بسم الله الرحمن الرحيم

بدأت الدروس بمقدمة طويلة عريـضة أحث فيها النفـوس اليائـسة على العلم .. وعدم اليأس وقتل الكسـل .. والصـلاة فى أوقاتها وتقوى الله .. ومن أول انتقاد شعرت بيأس أن تكون هذه الدورة مفيدة أصلا .. المهم أسـف على التأخير فى طـرح الدرس ودا كان لعدة أسباب (اسباب قوية بس مش مبررات) ومنها صعوبة التسجيل فى ظل الصـخب الذى أعيـش فيه .. ثانيا رجليا اللى بتحفى كل يوم وانا بدور على شـقة الزوجية .. ثالثا كمية الدروس اللى سجلتها ومسحتها نظرا لأن ملكة القاء الدروس مش عندى ورهبة الكلام فى المايك .. لكن ولله الحمد اخيرا سجلت حاجة ينفع اعرضـها أرجو من الله أن تكون فى ميزان حسناتنا يوم أن نلقـاه فيه .. أرجوكم عدم الملل واحتمال جهازى البطـئ وسرحانى الدائم وتكرارى للكلام .. مع وعد ان الجاى أحـسن بإذن الله .. وأى مؤثرات خارجية تسمعوها .. فليس لى أى ذنب فيها .. والله المستعان.
(اقرأ المزيد …)

بسم الله الرحمن الرحيم

بداية أى دورة تعليمية دايما بتبقا صعبة .. وبالخصوص فى موضوع دورتنا .. موضوع دورتنا مهم جدا بس الناس فاكره انه عادي جدا .. وان اهميته مش كبيرة زى لغات البرمجة (…PHP - ASP - etc) .. لكن قبل أى حاجة إعرف ياللى نفـسك تبقا مصمم مواقع .. انك لازم تتعلم XHTML, CSS قبل أى حاجة .. وإن كل المواقع .. كل المواقع بلا استثناء .. أيا كانت لغة برمجتها لازم تعدى فى الأول على المرحلة دى .. مش مصدقنى وعايز تتأكد جرب افتح مايكروسوفت أو جوجل أو ياهو .. ودوس CTRL + U أو اختار من view >> page Source .. هتلاقى ان مع اختلاف المواقع دى كليا من حيث المحتوى ولغة البرمجة وطريقة العرض إلا إن كلهم اتفقوا فى حاجة واحدة بس أول كلمة فى أول سطر doctype html ..

(اقرأ المزيد …)