بسم الله الرحمن الرحيم

بما أن الدرس الأول فشـل فشلا زريعاً من وجهة نظرى .. برغم كل التعليقات التى أثنت على الدرس .. إلى إننى نقدت فى كل شـئ .. فى لهجتى المبتذلة (التى أعشـقها) وفى تطرقى للشرح بهذه البساطة المتناهية متجاهلاً.. المبتدئين جدا جدا الذين لم يستطيعوا حفظ الملف بامتداد HTML أنا لا ألومهم فكلنا كنا هكذا فى البداية .. ولكن أرجوهم أن يفكروا قليلاً ويعيدوا النظر فيما يقـرؤه .. ولا يترددوا فى أى سـؤال .. ويستخدموا الاختراع الفذ المسمى بجوجل :)

قول ورايا …

الحمد لله الذى بنعمته تتم الصالحات .. اللهم أخرجنا من ظلمات الوهم إلى نور الفهم وامنن علينا بالعلم وزين أخلاقنا بالحلم .. اللهم صلى على محمد وعلى آل محمد كما صليت على ابراهيم وعلى ابراهيم وبارك على محمد وعلى ال محمد كما باركت على ابراهيم وعلى آل ابراهيم فى العالمين إنك حميد مجيد.

ملحوظة

أضطررت أن أكتب باللغة العربية .. نظرا للتصويت المقام على الموقع .. إلى أن تتغير النتيجة :)
لكن هذا الدرس .. صعب جدا أن يكتب بالعربية الفصحى .. فسأحاول قدر الإمكان وأرجو المعذرة ..
وكمان اسف جدا على التأخير فى طرح الدرس والسبب فى كدا ايفـينت أدوبى .. اللى نمت ومروحتوش :( لكن اخى شعبان حضر

عم أحمد

عنوان جانبى غريب جدا .. هنعرف حكايته دلوقتى .. هي حكاية افتراضـية كدا عشـان نوصل المعلومة بشكل أسهل .. فكل اللى جاى دا فروض .. نبدأ الحكاية ..

استيقظت فى الصباح وكعادة كل الناس على كوكب الأرض .. أن أول مايكون فى الصـباح هو الإفطار .. ولدينا فى مصـر (بلد تربط بين أسيا وأفريقيا) .. شيئ دارج يسمى بعربات الفول (أكلة شعبية) فتتحدث مع صديقك وتخبره بأنك عكفت على تعلم تصميم المواقع وإنك عما قريب ستنافس جوجل .. فيسمعك صاحب عربة الفول ويستسمحك فى عمل موقع له على الإنترنت .. ويدور الحوار التالى

إنت : ياعم احمد هتعمل بالموقع ايه دى عربية فول .
عم أحمد : يابيه عشـان العيال ولادى لما يروح يلعبوا فى السايير يوروه لاصحابهم والعربية تتشهر والزرق يحب الخفية .
إنت : طيب عايز تعمل ايه فى الموقع ؟
عم أحمد : هتكتب قايمة بالطلبات والأسعار وبس.

الحمد لله .. طلع حاجة سهلة واتعلمناها فى الدرس اللى فات .. نعمل الصـفحة بقا ..

صفحة عم أحمد

مراجعة سـريعة على اللى هنعمله ..
1- عنوان كبيـر باسم الراجل صاحب العربية
2- فقرة لكل صنف وجنبه سعره
3- عمل السعر بولد عشان يبقا واضح
4- الصفحة بالعربى .. فلازم تبقا يمين :)

دريم ويفر يتكفل بهذا الكود .. ولا يختلف نهائيا عن الكود السابق إلا فى الروابط التى اضيفت فى ترميز الصفحة (لا تؤثر إطلاقا فى الصفحة .. لكنها المعايير القياسية)
كل ما سيأتى سيضاف بين وسمين الـ Body لأن ما بين وسمين Body هو فقط الذى يظهر فى محتوى الصـفحة 
<h1>عربية فول عم أحمد</h1>
عنوان الصفحة الرئيسى 
<h2>قايمة الأسعار</h2>
 
 
طلب فول حلو  1جنيه
 
طلب فول بالزيت الحار 175 قرش
 
طلب فول بالبيـض (بيضة واحدة) 250 قرش
 
طلب فول بالبيض (2 بيضة) 325 قرش
 
ساندوتش فول عادة 75 قرش
 
ساندوتش فول بالزيت الحار 125 قرش
 
سلطات 50 قرش
 
بتنجان 75 قرش
عنوان جانبى أصغر من عنوان الصفحة الرئيسى .. وفقرات فيها الأسعار .. الخطوة الجاية نخلى السعر بولد عشان يبقا واضح 
<strong>1جنيه</strong>
كل ما علينا إحاطة النص بـوسم b دلوقتى نشوف صفحتنا كلها 
<h1>عربية فول عم أحمد</h1>
 
 
<h2>قايمة الأسعار</h2>
 
 
طلب فول حلو  <strong>1جنيه</strong>
 
طلب فول بالزيت الحار <strong>175 قرش</strong>
 
طلب فول بالبيـض (بيضة واحدة) <strong>250 قرش</strong>
 
طلب فول بالبيض (2 بيضة) <strong>325 قرش</strong>
 
ساندوتش فول عادة <strong>75 قرش</strong>
 
ساندوتش فول بالزيت الحار <strong>125 قرش</strong>
 
سلطات <strong>50 قرش</strong>
 
بتنجان <strong>75 قرش</strong>
شكل الصفحة لحد دلوقتى

وبكدا نبقا خلصنا كل المراحل فاضـل حاجة واحد بس .. إن الصـفحة تبقا يمين ماهو الموقع بالعربى .

إضافة السمة dir للوسم html ومعناها ديريكشن يعنى اتجاه .. و rtl يعنى right to left ودى مفسرة نفسها
شكل الصفحة بعد ما جت يمين
اخيرا خلصنا .. اهو كدا ممكن الواحد يفطر بكرة ببلاش

رد فعل عم احمد :(

وكانت الصاعقة .. لما يرد عم احمد يقول ايه يابيه الصفحة دى دا الواد ابنى بيقول إنه لو عملها على الوورت (Word) تبقا احسن من كدا .. ويستطرد قائلا : تشكر يابيه على تعبك بس عايزين شكل الصفحة حلو بقا كدا زى حضـرتك :)

تصميم صـفحة عم أحمد

طبعا عشان نصمملو الصفحة لازم نخش على الفوتوشوب .. بس زى مانتوا عارفين انا مش هاشرح أى حاجة ليها علاقة بالفوتوشوب .. فالأخ شعبان تفضـل مشكورا بتصميم الصفحة .. ودا موضوع درسنا الجاى .. استعدوا للـ CSS

أدوات لابد منها

DreamWeaver
notepad++ اختيارى
Firefox
PhotoShop طبعا

الخلاصـة

الدرس مش صعب والله كل واحد بس يركز ويقراه كويس هيفهم .. وإياكم والكسـل .. الدرس الجاى هو تطبيق عملى للصـفحة اللى صممناها على الفوتوشوب .. هيبقا فيديو إن شـاء الله .. وهيبقا في قبل الفيديو مقدمه للـ CSS كتابة .. عشان منطولش فى الفيديو عشان حجمه ميبقاش كبير.

Be Sociable, Share!